BIHOTZ GAZTE GOXO

Kaixo literaturzaleok, Kebir nauzue!

Oraingo honetan irakurtzen ari naizen liburu bati buruz hitz egingo dizuet: La sombra del viento.

Liburu hau duela zazpi urte publikatu zuten arren, orain dela gutxi bere bigarren atala atera denez, birrargitaratu dute.

IdazleaK Carlos Ruiz Zafon du izena eta Barcelonan bizi da. Bertan dago kontatua istorioa.

Hamar urteko mutiko bati buruz -Daniel- datza guda zibilaren ostean. Danielen aita liburu denda batetan lan egiten du eta bere semeari nahi duen liburua aukeratzeko esaten dio. Denbora joan ahala, Daniel konturatu egiten da pertsona askok bere liburua nahi duela, baina zergatik? Nola da posible gogoko duen liburuaren idazlea mundutik galdurik ibiltzea? Gauza horiek guztiak jakin nahi badituzue, dudarik gabe liburu miresgarri hau irakur ezazue!!

(osorik irakurri)

Kaixo. Ni Victor naiz eta harrijasoketari buruz hitz egingo dizuet.

ZERTAN DATZA?

Arautegiak dioenez, honexetan gauzatzen da joku hau, laburbilduz: pertsona batek, bakarka edo beste batekin lehian eta txandaka, inolako tresneria edo makina laguntzailerik gabe, ahal duen adina aldiz harria bizkarreratu behar du, aldez aurretik tinkaturiko pisu eta egiturak errespetatuz. Hor dago gakoa, beraz.

Euskal herrian aspaldidanik zaletasun handia izan dugu jolas hau bezlako kirolekin. Gehienek lotura estua dute aspaldian geneukan eguneroko bizimoduarekin: aizkora, basoetako lanarekin; harrijasoketa, harrobian egindakoarekin; arraunketa, arrantzarekin ... eta abar.

Guregan ospe handia hartu zuen Perurena harrajasotzailea. Geroago horren markak hautsi zituen Saralegi. Gaur egun perurenaren semea den Inazio bere aitarena gailendu nahian dabil. Hona hemen bere erakustaldi bat: 230 kg. esku batez.

(osorik irakurri)

Kaixo lagunak. Jada ezagutzen duzuen Nerea nauzue eta klaserako egin behar izan nuen ipuina aurkeztuko dizuet "Iratiren  sekretua".  

Irati oso neskato jatorra da. Alaia eta oso eskuzabala; horregatik, ditu hainbeste lagun edo adiskide.  Neskatoa sentikorra, baikorra eta abar da. Bederatzi urteko neskato normala da, argala, ez oso altua, ile beltzekoa…  Baina horretaz aparte badu bere gauza neskato honek; irakurtzea asko gustatzen zaionez, oso argia da eta inork ez dakizkien gauzak dakizki…   

Egun batean etxera heltzerakoan bere logelara joan zen eta liburu potolo-potolo eta zahar bat hartu zuen ohe-azpitik. Eta honela esan zuen:  

-Mesedez erakutsi iezadazu hartu behar dudan bidea, agente jauna.  

Bai, bai, ondo entzun duzue!. Gure neskatoa, espioia da! Eta bere agenteari espioien kitt-a eskatu eta Egiptora joan zen misio bat betetzera bere agenteak eskatu zion bezala. Baina ez da hain erraza izango zeren Shark Doktorea bazegoen jada bere maltzurkeriak egiteko prest. Shark beti dago gauzak pil-pilean jartzeko prest. Oso gizaki gaiztoa da eta ez da erraz errenditzen…     

    Irati hegazkina hartu eta lasterrera ailegatu zen. Eta bere misioa zein zen galdetu zion bere agenteari:   

-Jada hemen nago, eta orain, galdera bakarra, zer egin behar dut?      

-Kobazulo zahar bat aurkitu egin behar duzu. Horretarako hiru piramide famatuengana joan eta gero deitu iezadazu -erantzun zuen.   

 -Ondo da, ikusi arte, agente jauna.    

Irati, esan bezala, martxan jarri zen bere motxila pisutsuarekin batera. Baina bera ez zuen kontuan hartu, Shark doktorea hortik hurbil egongo zela eta sorpresa bat eman zuen:  

-Berriro elkartu egiten gara, polit hori -esan zuen doktoreak. 

-Utz iezadazu bakean ziztrin halakoa! -izan zen bere erantzuna.

-Badakit denbora asko daramazula oinez eta hori aprobetxatu egin behar da ezta? -xuxurlatu zuen Shark doktorea.

-Ez, mesedez, ez -erantzun zuen Iratik. 

-Bai!! IZPI UTRAPOTENTEAK!!!! 

Eta orduan Iratik protektorea erabilita soilik bultzakada ederra eman zion eta mesedea  egin zion zeren hiru piramideen alboan bukatu zen.   Eta esan bezala bere agenteari deitu zion eta uste dut gauza inportantea ezan beharko ziola.

-Kaixo esan didazun bezala, deitu egin dizut. 

-Bai eta berri txar bat dut zuretzat…-dio agenteak aurpegi txarrarekin. 

-Zer ba? -erantzun zuen urduri. 

-Beno, ba, bilatzen gauden altxorra piramide barruan dagoela -esan zuen. 

-Zer? Baina ezin naiz horra barrura sartu. Debekatuta dago!   

-Badakit baina irteeraren bat bilatu beharko duzu. 

-Beno, ongi da, baina material gehiago beharko dut -dio neskatoak. 

- Ongi da. Zer behar duzu? -galdetu zion. 

-Soka bat eta beste linterna bat. 

-Ongi da, oraintxe goaz -erantzun zuen.

Eta agindu bezala hortxe zeuden, eskatutako materiala emateko. 

-Ezkerrik asko -dio Iratik.

-Ez dago zergatik, eta zorte on! Beno joan beharra dut agur. 

-Agur! 

Gaua heltzear zegoen. Zaintzaileak lokartu egin zirenean, Irati goiko partetik sartzea erabaki zuen. Eta soilik minutu pare baten ostean bazegoen jada piramidearen barruan, eta horrexegatik lanean hasi zen.  Bera uste zuena baina errazagoa izan zen barrura sartzea, eta zerbait arraroa gertatzen ari zela susmatu zuen. Eta egia zen; bidean tranpa pila batekin aurkitu zen eta batean hil edo biziko une bat izan zuen, bera trankil-trankil zegoelako eta bat-batean lurra erortzen hasi zen eta ia-ia jauzi egin zen heldu zion zuen makila  hantze egon ez balitz. Baina makila hori, ez zen edonolako makila zeren hori beherantz sakatzean ate bat ireki zen, eta hara nor zegoen, gure Shark doktorea altxorra hartzeko prest.  

-Ez hartu!!! -oihukatu zuen Irati bat-batean, bera bazekielako zerbait gertatuko zela. 

Baina berandu zen; altxorra bere eskuetan zegoen jada. Eta pentsatu baino lehen Iratik bere detektibeen defentsa hartu eta  ez zitzaion harri bat ere ez gainean erori, eta ez Shark doktoreari bezala. Doktorea ondoezik zegoen eta orduan Irati handik ateratzen lagundu zion. Ateratzea oso erraza zen. Eta jada kanpoan zeudela, Iratik agenteari deitu zion eta dena kontatu zion.   

Jada eguna zen eta Iratiren ekipo guztia etorri eta prentsari deitu zioten altxorraren berria emateko. Azkenean dena ondo atera zen, Shark doktorea izan ezik, orain ospitalean dago ingresatuta. Baina ez kezkatu zeren Irati eta bere agentea ostiralero bisitatzera joaten baitira. Eta logikoa denez Iratiren klasekideak konturatu egin ziren Iratik zeukan sekretuari buruz eta hilabete oso batean hoberena zela pentsatzen  egon ziren baina gero dena lehenengo tokira heldu zen.  

Baina Irati beti bezala egiten zuen. Misioak egiteari ez zion utzi asko gustatzen zaiolako eta hori egitea bere gustuko delako.  

Eta horrela geratu da istorio hau lehen hasi den moduan guztiok normal-normal, beti bezala. Baina hau gertatu ondoren Iratik bere misioak egiten jarraitu zuen. Eta Shark doktorea ospitaletik ateratzean zientzialari egin zen, eta urte batzuk pasatu ondoren Irati agente sekretu izendatu zuten Europako enpresarik garrantzitsuenean.   

Horrela bukatu zen, guztiak pozik. 

Espero dut gustukoa izatea eta ori horrela bada bidali iruzkin bat.  

(osorik irakurri)

Kaixo, liburuzaleok. Oraingo honetan liburu bat gomendatu nahi dizuet: Pijama marradunaz jantzitako mutila.

 
Liburu hau izan daiteke zalantzarik gabe -eta salmentek hala adierazten dute-, pasa den urteko arrakastatsuenetakoa.
 
Hasiera batean, John Boyne, gazte literaturan aritutako autorea, 13 urte azpiko gazteentzat egokia izango zelakoan zegoen baina argitaratzaileak berehala konturatu zen edozein adineko irakurlearengan zirrara berezia sortuko zuela.
 
Istorioan, Bruno izeneko 9 urteko mutila da protagonista. SSren komandante baten semea da; aitak eginbehar berezia jasotzen du eta familia osoarekin etxez aldatzen da. Beraien etxe berria Auschwitz kontzentrazio zelaia izango da. Egoitza berri horretatik umeak hesiak, barrakoiak eta marradun pijamaz jantziriko tristura amaigabeko aurpegidun gizakiak ikusten ditu.
 
Kontaezinezko amaiera duen liburu honek idazkera erraz eta atseginaz istorio hunkigarria borobildu eta apaintzen du, ahaztu behar ez ditugun une eta gerteren gainetik eramaten gaituelarik. Hainbat irakurlerengan egileak holokaustoa bezain larria den gertaerari emandako ikuspegiak mesfidantzak sortu dituen arren, gehiago dira nobela txalotu eta gomendatzen dutenak.

(osorik irakurri)

Gu Ane eta Garazi gara eta gaur J.K,Rowling-en azken liburuaz hitz egingo dizuegu.

Dakizuenez liburu hau idazlearen azkena da eta horregatik ez du inork galdu nahi, denok jakin nahi baitugu nor hilko den.

Egia esateko denok pentsatzen dugu ez dela Harry hilko baina nork daki? Liburu honetan Harry-k abentura piloa biziko du eta bere lagunen eta irakasleen laguntzaz aurkitzen dituen oztopo guztiak gaindituko ditu.

   Harry-ren abenturak eta misterioak jakin nahi badituzu irakur ezazu liburu hau, primerakoa da eta!

(osorik irakurri)

Kaixo literaturzaleok Kebir nauzue!

Gaur irakurtzen ari naizen liburu bati buruz hitz egingo dizuet: Ladron de almas.

Nobela hau Islandian garatzen da, Reikiavik izeneko hirian konkretuki. Bertan Pora (Zora irakurtzen da) izeneko abokatuak bere bezero baten deia jasotzen du. Jonas du izena, eta kostaldean eraikitako hotel bati gertatu zaion arazoa da bere deiaren arrazoia: eraikinean mamuak daude.

Jonasek Pora gonbidatzen du hotelean geratzera denboraldi batez. Iritsi berria denean hilketa bat gertatzen da: Birna izeneko arkitektoa hilda agertu da hondartzan. Lurralde eta hoteleko jendea hildakoa ezagutzen zuten eta askok hiltzeko arrazoiak bazituzten. Askok mamuak direla pentsatzen dute, abogatuak ez du horretan sinisten gau batean bat ikusten duen arte...

(osorik irakurri)

Beno uzte dut badakizuela nor naizen ezta? Ba Estibaliz naiz.

Oraingoan Deabru jaun maitea izeneko liburuaz hitz egingo dizuet.

Aspaldi honetan larri dabiltza infernuan: deabruek urtebete baino gehiago daramate deabruzko itunik egin gabe. Deabru andreak lurrera igotzea erabakitzen du familiari laguntzeko "lan" bila. Azkenean bikote zoriontsu bat aurkitzen du eta gaizto eta zoritxarreko egiten saiatzen da.

Horretarako Belze bidaltzen du lurrera, deabruen Goi Eskolako ikaslerik txarrena, bikote horren bizimodu zoragarria hondatzeko. Baina Belzek Gorriak ikusi beharko ditu lurrean...

(osorik irakurri)

Kaixo berriro ere! Estibaliz nauzue.

Norbaitek irakurri du "H gabe" liburua?

Ez baduzue irakurri horra doa nire mezua.

Zer egin gelakideek mesprestxatzen zaituztenean? Inor kasurik egiten ez dizunean? Nola jokatu mundu guztiak ikastetxeko hormarik zurienean agertu den pintadaren egiletzat zauzkatenean?

Galdetu Manu, Xabi eta Josemariri.

Agian ez dizute erantzun argirik emago, baina poztuko dira. Asko, izugarri. Azkenaldian ez baitie inork kasurik egiten kontuak eskatzeko ez bada. Eta kontuak emanda ere alfer-alferrik denean...

(osorik irakurri)

Kaixo! Estibaliz nauzue berriro ere, beste liburu batekin.

Oraingoan Jara bikiak eta bikoteak da aukeratu dudan liburua.

Jarak lortu zuen Urko maitemintzea, baina estreinako musuaren ostean, beraren sentimenduak nahasirik daude.

Horrez gain, lagun berriak iritsi dira herrira: Nora eta Xabat. Xabatek zora -zora eginda ditu neska guztiak. Jara eta Ihintza arerio bihurtuko dira maitasun kontuetan. Ikastetxean mozorro festa antolatu da eta sorpresak egongo dira.

Zalantzak, maiteminak, zeloak eta haserreak aurkituko dituzu Jararen Abenturetan.

(osorik irakurri)

Kaixo lagunok, Estibaliz nauzue! Eta Ditxosozko ditxolariaz hitz egingo dizuet.

Liburu hau olerkiz osaturik dago. Mutil gazte baten bizimoduaz hitz egiten digu.                      

Mikel Martin zuen izena eta hamabi urteko ditxolaria zen. Mikelek erraztasun handia dauka hitzak errimatzeko eta hitzak errimatuz esan nahi duena esateko. Hainbat abenturaz hitz egiten digu liburu honek. Batean triste bestean alai, orain estu gero lasai. Baina hori bai beti jator eta zorrotz.

Bere idazlea Joseba Santxo Uriarte da. Algortan bizi den Bilbotar idazlea,1962. urtean jaio zen.Gazteetatik euskaltzale handia izanik, Euskal Filologian ikasi zuen eta baita euskararen eta euskal kulturaren inguruko lanei buru-belarri heldu ere. Batez ere bertsolariaren alorrean aritu da antolatzaile, jartzaile eta epaile gisa, besteak beste. Eta hainbat sari irabazi ditu bertsopaper- lehiaketetan.

Gaur egun, argitaletxe batean dihardu umeentzako liburuak sortzen eta Algortako Bertsolari Eskolako irakaslea ere bada.

(osorik irakurri)